ДУН МАГIАРУЛАВ ВУГО

ΒΑΤΙАΗ

​

Цо пуланав хханассе бачун бачӀун буго кибалиго кквезе щвараб Руз. Хханасс гьеб хьихьун буго жиндиего рекӀелгъеялълъе, меседил хьуриялда жанибги тӀамун, бокьа-бокьараб жо квинеги кьун, жибни кигӀан лълъикӀ хханасс хьихьун бугониги, Руз букӀунаанила кидаго зигардулеб: «Вай, дир рукъ, вай, дир ватӀан», - абун.

ГьадигӀанго рахӀаталда хьихьаниги, гьаниб ракІ гъечӀого, зигардулеб бугеб гьалълъул кигӀан цӀакъаб ватӀандай бугоян ракӀалдеги ккун, хханасс Руз биччан танила жиндиего бокьаралълъубе ине, цинги гьеб кибе унаяли балагьизе вазирассдаги тӀадкъанила.

Хханассул чӀухӀарал хъалабаздасса къватӀибе эркенлъуде борчӀарабго, боххуцца холаго анила Руз боржун шагьаралълъул рагӀалда ругел, жаниб мичІчІги бижарал басриял чІчӏваднахъе, цинги чӀухӀун рещтӀанила цо биххараб къадада, «Вай, дир ватӀан, дун духъ чӀалгӀун букӀараб куц!» - иланги абун.

Гьаб ватӀаналълъухъищхха гьаб гьадигӀан цӀакъ чӀалгӀун букӀарабилан, гӀажаиблъи гьабунила вазирасс, цинги бихьараб жо хханассда бицанила. Хханасс абунила дуцца гьедигӀан гӀажаиблъи гьабизе ккараб жо гьениб щибго гьечӀин. Щайин абуни инсанассе букӀа, хӀинчӏ-хъумуралълъе букӀа батӀалъи гьечӀо, жиб бижарабги гӀурабги жиндир ватӀаналдасса ххирияб бакӀ щибго букӀунарилан.