top of page

КЕТУГИ ЦІИРКЪГИ

​

Рукъалълъул цогидал хӀайваналгун цадахъ азбаралдасса къватӀибеги кӀанцӀун, лълъилалиго цо Кету букӀанила добе бортун, гьанибе бортун, рохьил талаялда басандилеб. Гьеб заманалда рохьоссан унеб букӀараб Цӏиркъалда бихьанила гьеб Кету. ЦӀакъ гӀажаиблъи гьабунила ЦӀиркъалълъ, Катихъги балагьун, чӀчӏезеги чӀчӏун, гьелда гьикъанила:

- ВахІ, бацако, балагьараб меххалълъ, мунги нижерго туххумалълъул бугилан ккола, гьедигӀанго гьитӀинаб щайхха мун бугеб, лага-черххго кӀодолъун гьечӀогури дур?

Жинда гӀемер гӀакъуба-къварилъи бихьараб ххвелги гьабун, Катицца абунила:

- Унго дуцца щибдай гьабилаан, инсанассда асскӀоб гӀумру гьабизе нижее бугеб къварилъи, захІмалъи лъани? - ян.

- Мун гьедигӀанго къварид гьабулев чи щив? Вихьизавея цо дида гьев, мун къварид гьавулев чи, дицца гьессул цӀцӏоко бахъила, - ян абунила ЦӀиркъалълъ.

Гьенив гӀагардаго жиндирго хур бекьулев вукӀарав цо чияссда асскӀобеги билълъун, гьав чи вугилан вихьизавунила Катицца.

- Ле, чи, гьадигӀан къварид щай дуцца гьаб дир бацако гьабулеб? Гьалълъ дуе гьабураб заралго щиб бугеб, лага-черххго кӀодолъулеб гьечӀин гьалълъул дур зулму-хӀалалълъ? ГьабсагӀаталда дицца дур цӀцӏоко бахъила, дуцца гьалълъие гьабураб зулму-хӀалалълъе гӀоло. ХӀадурлъе дурго дунгун вагъизе, - ян абунила ЦӀиркъалълъ хур бекьулев вукӀарассда.

Гьев чияссда бичӏчӀанила тӀаде бачӏараб балагь, гьессги цо хӀила ургъанила. Гьесс абунила:

- Вагъизеяли дун хӀадур вугоан, диццани дирго кӏвен рокъоб тун букӀанахха. Векерун рокъовеги ун, дун гьебги босун вачӀинин, цинги рагъила нилӏ, - ан.

- ЛълъикӀ буго, а, дун духъ балагьун чӀчӏела, - ян абунила ЦӀиркъалълъ.

- Нагагь дуцца гуккулев ватани, щиб лълъикӀ, чӀалгӀаде рокъове дунги векеризавун, мун, дун вачӀинегӀан чӀчӏечӏого, цо рахъалълъа гӀебеде инеги бегьула. РачӀа, дун рокъосса дирго кӏвен босун вачӀинегӀан, дицца мун гьаб гъотӀода бухьун тезин. Цинги, дун вачӀаравго, нилӏ кӀиялго рагъила, - ян абуна чиясс.

ЛълъикӀ бугилан, разилъанила ЦӀиркъ. Биццатаб кварицца гьесс щула гьабун цо кӀудияб гъотӀода Цӏиркъги бухьанила. АсскӀобго бугеб рохьосса лълъикӀаб тӀилги къотӀун вачӀун, гьале доб дир кӏвениланги абун, ЦӀиркъ буххизе лӏугьанила гьев.

Зобалазде рагӀулел гьаркьал гьарун, ахІдолеб, чӀичӀилеб букӀанила тату хвараб ЦӀиркъ. ГӀодоб ккезегӀанги буххун, гьебмеххалда бичун биччанила гьесс ЦӀиркъ, цинги абунила:

- Гьанже а дуего бокьаралълъубе, цинги дур иш гуреб жоялда гьоркьобе мун лӏугъани, гьаб жакъа ккараб гӀадаб жо дуе кидаго кколеблъиги кӀочонгехха, - ян.

ХӀалалълъ тӀадеги бахъун, лӏутун унеб ЦӀиркъалда бихьанила добегӀан цо ссанда чӀчӏун Кету, гьелълъги Катида абунила:

- Валлагь, бацако, мун унго-унгояб хӀалчӀахъад букӀун буго: радал-бакъанида гьагъал тӀилал дудаги щолел ратани, гьедигӀанаб мун гӀейгицин тамаша буго, - ян.

ketugi virqgi

​

ruqa'ul cogidal \ayvanalgun cada] aRbaraldaSa qwaTibegi janvun, 'ilaligo co ketu bujanila dobe bortun, hanibe bortun, roFil talayalda basandileb. heb Ramanalda roFoSan uneb bujarab virqalda biFanila heb ketu. vaq faDaib;i habunila virqa', kati]gi balahun, ZeRegi Zun, helda hiqanila

- wa\, bacako, balaharab me{a', mungi niDergo tu{uma'ul bugilan Kola, hedifango hiTinab ?ay{a mun bugeb, laga-xer{go jodo;un hezoguri dur&

Dinda femer faquba-qwari;i biFarab {welgi habun, katiCa abunila

- ungo duCa ?ibday habilaan, insanaSda aSjob fumru habiRe niDeye bugeb qwari;i, Ra\ma;i ;ani& - yan.

- mun hedifango qwarid habulew xi ?iw& wiFiRaweya co dida hew, mun qwarid hawulew xi, diCa heSul Voko ba]ila, - yan abunila virqa'.

heniw fagardago Dindirgo [ur bepulew wujaraw co xiyaSda aSjobegi bi'un, haw xi wugilan wiFiRawunila katiCa.

- le, xi, hadifan qwarid ?ay duCa hab dir bacako habuleb& ha' duye haburab Raralgo ?ib bugeb, laga-xer{go jodo;uleb hezin ha'ul dur Rulmu-\ala'& habsafatalda diCa dur Voko ba]ila, duCa ha'iye haburab Rulmu-\ala'e folo. \adur;e durgo dungun waGiRe, - yan abunila virqa' [ur bepulew wujaraSda.

hew xiyaSda biZanila Tade bazarab balah, heSgi co \ila urGanila. heS abunila

- waGiReyali dun \adur wugoan, diCani dirgo jwen roqob tun bujana{a. wekerun roqowegi un, dun hebgi bosun wazinin, cingi raGila ni`, - an.

- 'ij bugo, a, dun du] balahun Zela, - yan abunila virqa'.

- nagah duCa guKulew watani, ?ib 'ij, zalfade roqowe dungi wekeriRawun, mun, dun wazinefan Zezogo, co ra]a'a febede inegi behula. raza, dun roqoSa dirgo jwen bosun wazinefan, diCa mun hab GoToda buFun teRin. cingi, dun wazarawgo, ni` jiyalgo raGila, - yan abuna xiyaS.

'ij bugilan, raRi;anila virq. biCatab kwariCa heS ?ula habun co judiyab GoToda virqgi buFanila. aSjobgo bugeb roFoSa 'ijab Tilgi qoTun wazun, hale dob dir jwenilangi abun, virq bu{iRe `uhanila hew.

RobalaRde rafulel harpal harun, a\doleb, zizileb bujanila tatu [warab virq. fodob KeRefangi bu{un, hebme{alda bixun biCanila heS virq, cingi abunila

- hanDe a duyego bopara'ube, cingi dur i/ gureb Doyalda horpobe mun `uhani, hab Daqa Karab fadab Do duye kidago Koleb;igi joxonge{a, - yan.

\ala' Tadegi ba]un, `utun uneb virqalda biFanila dobefan co Sanda Zun ketu, he'gi katida abunila

- walah, bacako, mun ungo-ungoyab \alza]ad bujun bugo, radal-baqanida haGal Tilal dudagi ?olel ratani, hedifanab mun feygicin tama/a bugo, - yan.

bottom of page