top of page

ЧІЧӏЕГІЕРГЪЕДУГИ МАЛА НАССРУДИНГИ

​

Цо нухалда къватӀисса вачӀунаго, Мала Нассрудинида ватула цоцалълъ вагъулев кӀиго вас. Гьезда гьоркьоб ккараб жо бугоан цо чӀчӏегӀергъеду. Лъималазда гьоркьоб масслихӀатги гьабун, гьезие цо гъурущ гӀарацги кьун, Мала Нассрудиницца чӀчӏегӀергъеду жиндиего бачанила. Кодоб ккун гъедугун, рокъове унаго, цойидассанго Мала Нассрудинил кодоссаги боржун, чӀчӏегӀергъеду нухлул ракьанда бугеб цо гӀакдал мугъзада рещтӀанила.

- Балагьея гьаб дир гъадил гьунаралълъухъ, гьалълъ ккураб кӀудияб чан бихьулищ, хӀалчӀахъад букӀун бугогури гьаб лъазего лъачӀого, - ян Мала Нассрудин цӀакъ вохханила, бигьа гьавун асскӀовеги ун, чӀчӏегӀергъедуги кодобе бачанила, жиндир лочноцца ккураб чаниланги абун, гӀакаги бачун рокъове щванила.

ЛълъикӀалан меххалълъ росулӏги ссверун, аххиралдаги гӀакдал бетӀергьан Мала Нассрудинил дове кканила, жиндир гӀака нахъе кьеян лӏугьанила.

- Дур кисса букӀунеб гьаб? Нилӏер анкьумумуздассанго батараб гӀадат буго ккураб чан чанахъан бетӀергьанаблъун букӀунеб. Дицца жакъа дир гъеду биччан букӀана, гьебги ун, гӀакдада тӀад рещтӀана, къанги гьеб ккуна. Дида мунги лъаларо, дур гӀакаги лъаларо, дир гъадицца ккураб чан дир буго.

ГӀемераб заманалда дагІбадун руго гьел, аххиралдаги иш ккун буго диваналде. Диван гьабулев чиясс, ахӏизеги ахӏун, Мала Нассрудинида абун буго:

- БетӀергьанчияссул гӀака нахъе щай кьолареб дуцца? - ян.

- БетӀерчӀахъаяв диванбег, нилӏер талихӀалълъ гьабсагӀат гьанив чиги гьечӀин, цо дихъ гӀенеккизе бегьиларищ? Гьагъаб гӀакдал цо моцІцӏалълъ бечӀчӀараб рахьдал анцӏго гилавка нахул бахъула. Щибаб моцІцӏалълъ щу-щу гилавка нахул кьела дуе, кӀвеларищ гӀака дие кколедухъ хӀукму къотӀизе?

Диванбег воххун, ххинлъун лӏугьанила, чӀобого щолеб бугеб нахуде цӀакъ хьул лъунила.

- Вилълъа, гьанже мун нах хӀадур гьабизе рокъове а, цогидаб жо дицца рекъезабилин, абунила гьесс. Мала Нассрудинги анила.

Цо чанго къоялдассан диванбегицца ахӀанила диван гьабизе Мала Нассрудинги гӀакдал бетӀергьанги. ГӀелму-къануназул тӀахьаз гьадин бицунеб бугиланги абун, диванбегасс гӀака Мала Нассрудиние ккезабунила. Гьабизе чараги тӀагӀун, гӀакдал бетӀергьанги рокъове анила.

Къо анила, анкь анила, моцӏцӏ анила, Мала Нассрудинихъа диванбегассе бачӀунеб жо щибго гьечӀила. Аххирги гьесс чи витӀун анила Мала Нассрудинихъе, нах босун вачӀаян абун.

Мала Нассрудиницца цо хъабаги босун, гӀакдал чІчӏверул цӀезабунила гьеб, кӀалтӀа кӀиго килщицца биццат нахги чІванила. Босун гьеб диванбегассухъе щвезабунила.

- Мала Нассрудин, дуда кӀочене гурин ххадуссеб моцІцӏалълъги аб нах босун вачӀине, - ян абунила гьесс.

- Бетӏерчӏахъаяв диванбег, дуда щибго ургъел ккоге, щибаб моцІцӏалълъ гьадинабго нахул цо-цо хъаба босун вачӀине вугев дун дуе, - янги абун, Мала Нассрудин рокъове вилълъанила.

Мала Нассрудин араб меххалълъ, диванбегасс жиндаго асскӀобегӀан хъабаги цӀцӏан, килщицца нах квине байбихьанила. Цо-кӀицӀцӏул кӀалдибе босарабго, цо тамашаяб тӀагӀам букӀин бичӏчӀанила нахудасса. Гьабго щибдаян, лълъикІго жанибегӀан килищги бегьун, къватӀибе нах бахъулев вукӀарав гьессул кверал гӀакдал чІчӏверул цӀунила. ГӀемер цӀакъ ццин бахъиналълъ, диванбег вугелълъувго кӀанцӀанила, гьебсагӀат Мала Нассрудин ахӀизе чи витӀанила. Мала Нассрудин кватӀичӀого тӀаде щванила. Диванбегасс гьессда абунила:

- Я, гъарин Мала Нассрудин, гьанже дида гӀакдал чІчӏвери квинабиялдейищ дур иш ккун бугеб? - ан.

Мала Нассрудиницца абунила:

- Валлагь, бетӀерчӀахъаяв диванбег, дицца гуро дуда гьеб гӀакдал чІчӏвери квинабулеб бугеб, дуццаго кунеб буго гьеб. КӀиабизеги, гьеб квине гьанже гуро дуцца байбихьараб, доле доб дир чӀчӏегӀергъеду хъарчигъалъунги гӀака гьелълъ ккураб чанлъунги рикӀкӀине хӀукму къотӀараб къоялдасса нахъе кунеб буго дуцца гьеб, - ан.

ZeferGedugi mala naSrudingi

​

co nu[alda qwaTiSa wazunago, mala naSrudinida watula coca' waGulew jigo was. heRda horpob Karab Do bugoan co ZeferGedu. ;imalaRda horpob maSli\atgi habun, HeRiye co Guru? faracgi pun, mala naSrudiniCa ZeferGedu Dindiyego baxanila. kodob Kun Gedugun, roqowe unago, coyidaSango mala naSrudinil kodoSagi borDun, ZeferGedu nu[lul rapanda bugeb co fakdal muGRada re?Tanila.

- balaheya hab dir Gadil hunara'u], ha' Kurab judiyab xan biFuli?, \alza]ad bujun bugoguri hab ;aRego ;azogo, - yan mala naSrudin vaq wo{anila, biha hawun aSjowegi un, ZeferGedugi kodobe baxanila, Dindir loxnoCa Kurab xanilangi abun, fakagi baxun roqowe ?wanila.

'ijalan me{a' rosu`gi Swerun, a{iraldagi fakdal beTerhan mala naSrudinil dowe Kanila, Dindir faka na]e peyan `uhanila.

- dur kiSa bujuneb hab& ni`er anp~umumuRdaSango batarab fadat bugo Kurab xan xana]an beTerhanab;un bujuneb. diCa Daqa dir Gedu biXan bujana, hebgi un, fakdada Tad re?Tana, qangi heb Kuna. dida mungi ;alaro, dur fakagi ;alaro, dir GadiCa Kurab xan dir bugo.

femerab Ramanalda dafbadun rugo hel, a{iraldagi i/ Kun bugo diwanalde. diwan habulew xiyaS, a\iRegi a\un, mala naSrudinida abun bugo

- beTerhanxiyaSul faka na]e ?ay polareb duCa& - yan.

- beTerza]ayaw diwanbeg, ni`er tali\a' habsafat haniw xigi hezin, co di] feneKiRe behilari?& haGab fakdal co moVa' beZarab raFdal anvgo gilawka na[ul ba]ula. ?ibab moVa' ?u-?u gilawka na[ul pela duye, jwelari? faka diye Koledu] \ukmu qoTiRe&

diwanbeg wo{un, {in;un `uhanila, zobogo ?oleb bugeb na[ude vaq Ful ;unila.

- wi'a, hanDe mun na[ \adur habiRe roqowe a, cogidab Do diCa reqeRabilin, abunila heS. mala naSrudingi anila.

co xango qoyaldaSan diwanbegiCa a\anila diwan habiRe mala naSrudingi fakdal beTerhangi. felmu-qanunaRul TaFaR hadin bicuneb bugilangi abun, diwanbegaS faka mala naSrudiniye KeRabunila. habiRe xaragi Tafun, fakdal beTerhangi roqowe anila.

qo anila, anp anila, moV anila, mala naSrudini]a diwanbegaSe bazuneb Do ?ibgo hezila. a{irgi heS xi wiTun anila mala naSrudini]e, na[ bosun wazayan abun.

mala naSrudiniCa co ]abagi bosun, fakdal Zwerul veRabunila heb, jalTa jigo kil?iCa biCat na[gi zwanila. bosun heb diwanbegaSu]e

?weRabunila.

- mala naSrudin, duda joxene gurin {aduSeb moVa'gi ab na[ bosun wazine, - yan abunila heS.

- beTerza]ayaw diwanbeg, duda ?ibgo urGel Koge, ?ibab moVa' hadinabgo na[ul co-co ]aba bosun wazine wugew dun duye, - yangi abun, mala naSrudin roqowe wi'anila.

mala naSrudin arab me{a', diwanbegaS Dindago aSjobefan ]abagi Van, kil?iCa na[ kwine baybiFanila. co-jiVul jaldibe bosarabgo, co tama/ayab Tafam bujin biZanila na[udaSa. habgo ?ibdayan, 'ijgo Danibefan kili?gi behun, qwaTibe na[ ba]ulew wujaraw heSul kweral fakdal Zwerul vunila. femer vaq Cin ba]ina', diwanbeg wuge'uwgo janvanila, hebsafat mala naSrudin a\iRe xi wiTanila. mala naSrudin kwaTizogo Tade ?wanila. diwanbegaS heSda abunila

- ya, Garin mala naSrudin, hanDe dida fakdal Zweri kwinabiyaldeyi? dur i/ Kun bugeb& - an.

mala naSrudiniCa abunila

- walah, beTerza]ayaw diwanbeg, diCa guro duda heb fakdal Zweri kwinabuleb bugeb, duCago kuneb bugo heb. jiabiRegi, heb kwine hanDe guro duCa baybiFarab, dole dob dir ZeferGedu ]arxiGa;ungi faka he' Kurab xan;ungi riJine \ukmu qoTarab qoyaldaSa na]e kuneb bugo duCa heb, - an.

bottom of page