﷽
دۇن ماعارۇلاو وۇڬۈ
ДУН МАГIАРУЛАВ ВУГО
dun mafarulaw wugo
ДИР САНАЛ ТӏИКЪВАЯЛДА ХЪВАН РУГО
БукIанила, букIинчIила цо Чуги, цо Бацӏги, цо Церги. Гьел лъабазго хIукму гьабуцила цадахъ гьудул-гьалмагълъиялда гIумру гьабизе. Гьединаб къагIидаялда гьел цо лълъикIалан заманалълъ цадахъ рукIанила. Цо заманалдассан тIаде щванила квачараб ххасел. Квине жоялълъул рахъалълъ къварилъи кканила гьезие. Гьебмеххалълъ гьезда гьоркьоб зигара бакканила гьадин ракъуцца хвезе рукIине бегьуларин, цо щибниги ургъизе ккелин. Царацца абунила рачIайин нилӏеда гьоркьосса гIумруялълъул рахъалълъ бищунго гьитIинаб кинаб батаниги, гьеле гьеб квине бугин ххутIаразилан. Гьелда БацIги разилъанила. Царада гьикъанила мун кидайин гьабурабилан. Гьелълъ абунила:
- Дун НухI аварагассул заманалдаго гьабураб буго, - ян.
БацIида гьикъанила мун кида гьабурабилан. Гьелълъги абунила:
- Цер гьабураб меххалълъ, дун кIудияб гIураб, гIолохъанаб бацl букIана, - ян.
Чода гьикъанила мун кида гьабурабилан. Чода бичӏчӏанила, Бацlги Церги рекъон, жиндие хIила ургъулел букIин. Гьелълъ абунила:
- Дида дунго гьабураб заман лъаларо, эбел-инссуццани дир кваранаб боххалълъул тIикъваялда хъван тун буго дун гьабураб сон. Нужеего гьеб лъазе бокьани, гьенире раккизе бегьула, - ян.
БацIицца абунила Царада:
- Билълъа до балагье, Цер, чан сон бугеб нилӏер гьалмагъалълъулали, - ян. Царада гьебсагIат бичӏчӏанила гьелълъул ккезе бегьулеб жо, цинги гьелълъ абунила жиб цIцӏалараб гьечIин, жинда цIцӏализе, хъвазе лъаларин, мунго балагьейилан.
Гьебмеххалълъ, кIанцIун тIаде бахъун, Бацl лӏугьанила Чобул тIикъваялда хъвараб жо щибдай бугоян балагьизе. Лълъикӏ ссанагIаталда Бацl ккараб меххалълъ, лълъикIаб хIалалда борххун, бан биччан танила Чоцца Бацlил ботIролӏ мал. Басрияб хъабахъ гIадин, бихъ-бихъун 6етIергун, гIодоб речlчlун, БацIги хванила, гьеб бихьараб Цараццаги гьеб рахъ-мухъго танила.
dir sanal Tiqwayalda ]wan rugo
bujanila, bujinzila co xugi, co bavgi, co cergi. hel ;abaRgo \ukmu habunila cada] hudul-halmaG;iyalda fumru habiRe. hedinab qafidayalda hel co 'ijalan Ramana' cada] rujanila. co RamanaldaSan Tade ?wanila kwaxarab {asel. kwine Doya'ul ra]a' qwari;i Kanila heRiye. hebme{a' heRda horpob Rigara baKanila hadin raquCa [weRe rujine behularin, co ?ibnigi urGiRe Kelin. caraCa abunila razayin ni`eda horpoSa fumruya'ul ra]a' bi?ungo hiTinab kinab batanigi, hele heb kwine bugin {uTaraRilan. helda bavgi raRi;anila. carada hiqanila mun kidayin haburabilan. he' abunila
- dun nu\ awaragaSul Ramanaldago haburab bugo, - yan.
bavida hiqanila mun kida haburabilan. he'gi abunila
- cer haburab me{a', dun judiyab furab, folo]anab bav bujana, - yan.
xoda hiqanila mun kida haburabilan. xoda biZanila, bavgi cergi reqon, Dindiye \ila urGulel rujin. he' abunila
- dida dungo haburab Raman ;alaro, ebel-inSuCani dir kwaranab bo{a'ul Tiqwayalda ]wan tun bugo dun haburab son. nuDeyego heb ;aRe bopani, henire raKiRe behula, - yan.
baviCa abunila carada
- bi'a co balahe, cer, xan son bugeb ni`er halmaGa'ulali, - yan. carada hebsafat biZanila he'ul KeRe behuleb Do, cingi he' abunila Dib Valarab hezin, Dinda ValiRe, ]waRe ;alarin, mungo balaheyilan.
hebme{a', janvun Tade ba]un, bav `uhanila xodul Tiqwayalda ]warab Do ?ibday bugoyan balahiRe. 'ij Sanafatalda bav Karab me{a', 'ijab \alalda bor{un, ban biXan tanila xoCa bavil boTro` mal. basriyab ]aba] fadin, bi]-bi]un beTergun, fodob reZun, bavgi [wanila, heb biFarab caraCagi heb ra]-mu]go tanila.