top of page

КІИГО НУХЛУЛАВ

​

Сапаралдасса тӀадвуссун, рокъове вачӀунев вукӏанила цо кӀудияв чи. Гьессда цадахъ кканила цӏцӏалун вачӀунев цо гӀолохъанчиги. Ххабар-кӀалалда рилълъун рачӀунаго, гӀолохъанчиясс кӀудияв чияссда абунила:

- КӀудияв чи, нилӏго ссвакачӀого рукӀине, цоцазда рекӀун рилълъани, лълъикӀ букӀинарищ? - ан.

- Мун гӀадаллъунищ, гӀадамал цоцазда рекӀун рилълъунеб гӀадатищ бугеб? - ан абунила кӀудияв чиясс, васассул суалалда гӀажаиблъиги гьабун.

Васасс щибго жаваб кьечӀила. Гьедин лълъикӀалан бакӀалде рилълъараб меххалда, цӀакъ берцинго бижараб, лъилъизе мехх щвараб ролӏул хурзабазда асскӀоре кканила гьел.

КӀудияв чиясс абунила:

- Огь, баркаман, лълъикӀго бижун бугеб куц бихьулищ гьаб ролӏ! - ан.

Васасс гьессда гьикъанила:

- КӀудияв чи, гьаб тӀорщел кварабдай буго, квинчӀебдай бугеб? - ан.

- Мун гӀадаллъунищ вугев, жеги лъилъизего лъилъичӀеб тӀорщел кин квараб букӀунеб? - ан жаваб кьунила кӀудияв чиясс.

Вас, щибго абичӀого, чӀчӏанила. Гьедин таманалго рилълъараб меххалда, гьел щванила цо росу рагӀалде. Гьениб хабалалӏ хварав чи вукъулеб жамагӀат бугоанила. КӀудияв чиясс абунила:

- Валлагь, цо хвел букъулел чагӏи рихьулахха гьанир, - ан.

Васасс кӀудияв чияссда гьикъанила:

- Хварав чидай вукъулев вугев, хвечӀев чидай? – ан.

Херав чияссул ццин бахъанила, гьессги гӀолохъанчияссда абунила:

- Мун гӀадаллъунищ вугев? ХвечӀел чагӀи рукъулеб гӀадатищ бугеб? - ан.

КватӀичӀого кӀудияв чиги гӀолохъанчиги щванила кӀудияв чияссул росулӏе. КӀудияв чиясс вас къасси жиндихъе сордо базе гьоболлъухъ ахӀанила. Васассги хӀукму гьабунила къасси гьенив чӀчӏезе. Жаниве лӏугьунеб меххалълъ, кӀудияв чияссул рокъой цо берцинай яс ятанила. ГӀолохъанчиясс, гьелде ишанги гьабун, цин цо килищ, цинги кӀиго килищ ццебе ккунила. Ясалълъ васассда ццебе цо килищ ккунила. Инссуда гьезул ишанал рихьанила. Кин бугониги, гьоболги вугелълъул, гьев васассдеххун рагӀи абичӀого танила.

Къасси гьенивги вукӀун, радал гьезулгун къо-мехх лълъикӏги гьабун, вас нухда вахъанила.

Гьев ун ххадуб, инссуцца ясалда абунила:

- Валлагь, тӀубан гӀакълу камилав чияссда релълъунаро гьадав вас, - ан.

Ясалълъ цӀехханила, щай дуцца гьедин абулебан. Инссуцца гьелда бицанила васасс нухда рачӀунаго жиндиего кьурал суалал. Ясалълъ инссуда абунила:

- Эмен, гьев чи дуда вичІчӀун гьечӀо, гьевни гӀакъилав чи вукӀине ккола, - ян.

Инссуцца гьикъанила дуда ричІчӀулелищ гьессул суалалилан. Ясалълъ абунила ричІчӀулилан. Инссуцца яс тӀамунила гьел суалазул магӀна бицине.

Ясалълъ абунила:

- СсвакачӀого рукӀине, цоцазда рекӀун, рилълъинин абураб жоялълъул магӀна ккола, нух теялълъе, цоцазе лълъикӀал ххарбал рицунаго, рилълъинин абураб. Квараб хурдай, квинчӀеб хурдай абураб суалалълъул магӀна ккола, хур бачӀинегӀан, тӀорщелги тӀагӀун, хурул бетӀергьанасс кьезелъун босун, чияхъа тӀорщелги кун, гьезие рецӀалихъ кьезе кколебдай буго тӀорщел, ккечӀого, жидеццаго квинедай буго абураб. Хварав чидай вукъулев вугев, хвечӀев чидай абураб суалалълъул магӀна ккола гьадинаб:

цо-цо чи вукӀуна, дуниялалда жиндирго напсалълъул гурони ургъелги гьабичӏев, лълъиениги лълъикІлъиги гьабичӏев чи. Гьединав чи хун ххадуб дунялалдасса ххеххгого гьессул цӀцӏарги тӀагӀуна. Гьев чи ккола, хӀакъикъаталдаги, хварав чи. Цоги гӀадамал рукӀуна чӀаго ругеб меххалда, ххалкъалълъе жидедасса кӀудияб пайда-ххайир бахарал, ххалкъалълъе гӀоло жидецца лълъикӀа-лълъикӀал ишалги гьарурал. Гьединал чагӀи хабалӏ рукъаниги, гьезул цӀцӏар ххалкъалда жаниб чӀаго букӀуна. Гьеле гьединлъидал гъов васасс дудаги гьикъун буго, гъов чи кинав чидай вукӀарав абун. Рокъове жаниве лӏугьунаго, васассги ясалълъги гьарурал ишаназул ясалълъ бицинчӀого тедал, инссуцца гъолда гьикъула:

- Гьанже дуцца бице, жаниве вачӀунаго, гъов васассги дуццаги цоцазе гьарурал ишаназул магӀна щиб кколеб? - ан.

Дагьай нечарай гӀадинги лӏугьун, ясалълъ гьадин жаваб кьола:

- Гъосс дида цин цо килищ, цинги кӀиго килищ ццебе ккуна, гъолълъул магӀна ккола мун россассе арайищ, инчӀейищ абураб. Дицца гъоссда ццебе ккураб цо килищалълъул магІна буго инчӀей йиго абураб, - ан.

Гьебмеххалда инссуда бичІчӀун буго вас гӀакъилав чи вукӀин, аххиралдаги, жиндирго ясги кьун, гьев вас дурццлъунги гьавун вуго.

jigo nu[lulaw

​

sa<araldaSa TadwuSun, roqowe wazunew wujanila co judiyaw xi. heSda cada] Kanila Valun wazunew co folo]anxigi. {abar-jalalda ri'un razunago, folo]anxiyaS judiyaw xiyaSda abunila

- judiyaw xi, ni`go Swakazogo rujine, cocaRda rejun ri'ani, 'ij bujinari? - an.

- mun fadal;uni?, fadamal cocaRda rejun ri'uneb fadati? bugeb& - an abunila judiyaw xiyaS, wasaSul sualalda faDaib;igi habun.

wasaS ?ibgo Dawab pezila. hedin 'ijalan bajalde ri'arab me{alda, vaq bercingo biDarab, ;i;iRe me{ ?warab ro`ul [urRabaRda aSjore Kanila hel.

judiyaw xiyaS abunila

- oh, barkaman, 'ijgo biDun bugeb kuc biFuli? hab ro`! - an.

wasaS heSda hiqanila

- judiyaw xi, hab Tor?el kwarabday bugo, kwinzebday bugeb& - an.

- mun fadal;uni? wugew, Degi ;i;izego ;i;izeb Tor?el kin kwarab bujuneb& - an Dawab punila judiyaw xiyaS.

was, ?ibgo abizogo, Zanila. hedin tamanalgo ri'arab me{alda, hel

?wanila co rosu rafalde. henib [abala` [waraw xi wuquleb Damafat bugoanila. judiyaw xiyaS abunila

- walah, co [wel buqulel xafi riFula{a hanir, - an.

wasaS judiyaw xiyaSda hiqanila

- [waraw xiday wuqulew wugew, [wezew xiday& – an.

[eraw xiyaSul Cin ba]anila, heSgi folo]anxiyaSda abunila

- mun fadal;uni? wugew& [wezel xafi ruquleb fadati? bugeb& - an.

kwaTizogo judiyaw xigi folo]anxigi ?wanila judiyaw xiyaSul rosu`e. judiyaw xiyaS was qaSi Dindi]e sordo baRe hobol;u] a\anila. wasaSgi \ukmu habunila qaSi heniw ZeRe. Daniwe `uhuneb me{a', judiyaw xiyaSul roqoy co bercinay yas yatanila. folo]anxiyaS, helde i/angi habun, cin co kili?, cingi jigo kili? Cebe Kunila. yasa' wasaSda Cebe co kili? Kunila. inSuda heRul i/anal riFanila. kin bugonigi, hobolgi wuge'ul, hew wasaSde{un rafi abizogo tanila.

qaSi heniwgi wujun, radal heRulgun qo-me{ 'ijgi habun, was nu[da wa]anila.

hew un {adub, inSuCa yasalda abunila

- walah, Tuban faqlu kamilaw xiyaSda re'unaro hadaw was, - an.

yasa' ve{anila, ?ay duCa hedin abuleban. inSuCa helda bicanila wasaS nu[da razunago Dindiyego pural sualal. yasa' inSuda abunila

- emen, hew xi duda wiZun hezo, hewni faqilaw xi wujine Kola, - yan.

inSuCa hiqanila duda riZuleli? heSul sualalilan. yasa' abunila riZulilan. inSuCa yas Tamunila hel sualaRul mafna bicine.

yasa' abunila

- Swakazogo rujine, cocaRda rejun, ri'inin aburab Doya'ul mafna Kola, nu[ teya'e, cocaRe 'ijal {arbal ricunago, ri'inin aburab. kwarab [urday, kwinzeb [urday aburab suala'ul mafna Kola, [ur bazinefan, Tor?elgi Tafun, [urul beTerhanaS peRe;un bosun, xiya]a Tor?elgi kun, heRiye revali] peRe Kolebday bugo Tor?el, Kezogo, DideCago kwineday bugo aburab. [waraw xiday wuqulew wugew, [wezew xiday aburab suala'ul mafna Kola g'adinab:,

co-co xi wujuna, duniyalalda Dindirgo na<sa'ul guroni urGelgi habizew, 'iyenigi 'ij;igi habizew xi. hedinaw xi hun {adub dunyalaldaSa {e{gogo heSul Vargi Tafuna. hew xi Kola, \aqiqataldagi, [waraw xi. cogi fadamal rujuna zago rugeb me{alda, {alqa'e DidedaSa judiyab <ayda-{ayir ba[aral, {alqa'e folo DideCa 'ija-'ijal i/algi harural. hedinal xafi [aba` ruqanigi, heRul Var {alqalda Danib zago bujuna. hele hedin;idal Gow wasaS dudagi hiqun bugo, Gow xi kinaw xiday wujaraw abun. roqowe Daniwe `uhunago, wasaSgi yasa'gi harural i/anaRul yasa' bicinzogo tedal, inSuCa Golda hiqula

- hanDe duCa bice, Daniwe wazunago, Gow wasaSgi duCagi cocaRe harural i/anaRul mafna ?ib Koleb& - an.

dahay nexaray fadingi `uhun, yasa' hadin Dawab pola

- GoS dida cin co kili?, cingi jigo kili? Cebe Kuna, Go'ul mafna Kola mun roSaSe arayi?, inzeyi? aburab. diCa GoSda Cebe Kurab co kili?a'ul mafna bugo inzey yigo aburab, - an.

hebme{alda inSuda biZun bugo was faqilaw xi wujin, a{iraldagi, Dindirgo yasgi pun, hew was durC;ungi hawun wugo.
 

bottom of page