بێۺۇنڬۈ قۇواتاب ياراغ` هێطێناو زۇلفۇقارڬێ هېصۇل گۇداداڬێ`

بێۺۇنڬۈ قۇواتاب ياراغ`

هێطێناو زۇلفۇقارڬێ هېصۇل گۇداداڬێ`

نادێر- شاهاصۇل چافارزابێ راغ ڭېلالدې صۇغراڶې

راڃێناڷۇل قاجارازداصا بېرهێناڷۇل خابار`

هېب بۇڬۈ ڛېبېڬۈ ڭاراب ڶۇها - باڅێن` ئێراناڷۇل شاه نادێر عېمېرال بۈيالڬۇن هێطێناب داغێستانالدې طادې گانڝانا` طۈلابڬۈ دۇنيالالدا كوېرۺېل هابێزې بۇگانا هېصۇل قاصد`

ماعارۇلازې بۈڨێڃۈ لاغڸێيالدې ڭېزې` نادێرێل راغۇڅابێنێ طۈلابڬۈ ماعارۇل خالقالداصا ڞێڴۇن رۇگانا`

ڛېرې راتارال رۈسابێ ڃۇرحۇن، رۇحۇن نادێر- شاه عاندالازۇل راڨالدې ۺوانا` ښۈ رۈسدال راڨالدې عاڬارڸۇلېل رۇگانا قاجارال`

څاحڸێ بارالداصا سۈردۈ رۈهێنېعان حالطانا هېب رۈسدال عادامال` رۈسۇ صوېرۇن صانڬار بانا هېز، تۇشمان جانێوې ڭېزې غوارێدال ئۈرال رۇڅانا، خالچابێ چارخێدا ڭۇنا، قۈلدابێ تاڨێيابێ قاڃانا`

هېب رۈسۇڶ زۇلفۇقارێلان ڞار بۇڬېو ښۈ هێطێناو واس وۇگانا` عێياڷاجال ڮێڮۇن، رۈڮۈصا عۇڃ - مێڄێل باگارۇن، ئېبېل- ئێنصۇيې كۇمېك هابۇلائان هېص` هېصۇل وۇگانا ڞۈدۈراو گۇدادا` غاصدا عۈدۈو ڄاراو زۇلفۇقارێڛا گۇدادادا هێقانا`

- داحاداد، نادێر- شاه ۺێو ڭۈلېو؟ نێڶېداصا هېصێيې قوارێعۇن بۇڬېب ۺێب؟

- نادێر- شاه ڭۈلا، دێر واس، چێيار بێياڷ عۈرڞۇلارېب تۇراراب هۈي، - يان ابۇنا گۇداداڛا، نێڶېڛانێ هېڷۇل ڬاجال غۇرێلا` بێچانتې نادێر- شاهاصۇل عېمېرال بۈيالڬێ رۇگێنې، ڷێگاب ياراغڬێ بۇگێنې` نێڶېرڬێ بۇڬېب بۈڨاراو تۇشماناصداصا بېرهۇنېب ياراغ`

- هېب ۺێب ياراغ، داحادادا؟

- هېب بۇڬۈ، دێر واس، نێڶېرڬۈ راڨالدې بۇڬېب رۈڨێ` هېلداصا كۇتاكاب ياراغ دۇنيالالدا هېڃۈ`

رادال خېخكۈڬۈ طادې واڅاراو زۇلفۇقار ڬۈردۇڅان قواطێوې والاهانا`

- بالاهې، داحادادا، نۈڶ دۇرڃێمېعېراڷۇل طۈهێب رۈڮ بێجۇن بۇڬۈ، - يان احانا هېص ڝاق تاماشاڸۇن`

- هېب رۈڮ ڬۇرۈ، زۇلفۇقار، نادێر- شاهاصۇل راغۇڅابازۇل خۇچدۇل رۇڬۈ`

گۇدادا، غېجدې څابارچاڬێ رېخۇن، ماعێدا بان بۇگاراب خوالچېنڬێ بۈسۇن، عېدېعۇن قواطێوې ڶۇهۇنېو وۇگانا`

- داحاداد، دۇنڬێ وێڷێنا دۇدا ښاداڅ، - ان خانطان طادې واڅانا زۇلفۇقار` دۇن باطاڬۈ بێڮێنچێ كۇرېوێۺ`

- مۇن ۺێبڬێ بۈسۇن واغێلېو؟ دۇر ياراغ هېڃۈ كۇرێ`

- بۇڬۈ دێر ياراغ، دێيېڬێ بۈڨۇلا نێڶېرڬۈ راڨ` دۇڛاڬې ابۇنا ڬۇرێ بێۺۇنڬۈ قۇواتاب ياراغ واطانالدې بۇڬېب رۈڨێ بۇڬێلان، - ڶۇهانا زۇلفۇقار گۇدادال څابچێل قوالڬێ ڭۇن`

گۇدادادا ښاداڅ هېوڬێ قواطێوې واڅانا` نادێر- شاهاصدا راگالدې ڭۇن بۇگانا، رێڴېن عېمېرال راغۇڅابازۇڨاڬێ حێنقۇن رۈسدال عادامال جێدېدا داندې راغێلارێلان` راغڬۈ هابێڃۈڬۈ ماعارۇلال كوېردې رۈسێزې بۈڨۇن بۇگانا هېصێيې` هېدێنڸێدال نادێر- شاهاص جێندێرڬۈ چافارزابێ رۈسۇڶې رێطانا`

نادێر- شاهاصۇل چافارزابازۇڅې رالاهێزې ڬۈدېگانێرې عېمېرال عادامال راگارانا` كێنابڬۈ جۈ بێڮێزېڬێ ڸازېڬێ بۈڨۇلېو زۇلفۇقارڬێ غۈطۈدېڬێ واځۇن هېزۇڅ والاهۇن وۇگانا`

عېمېراب مېخاڷ قاڛاندانا چافارزابێڬێ رۈسدال حۇرمات بۇڬېل عادامالڬێ` هېزدا هۈرڨۈو وۇگانا زۇلفۇقارێل گۇداداڬێ` ښۈ چافاراص ئێشان هابۇرابڬۈ، ښۈ قاجاراو مۈچۈل تارهاڬێ غېجدا ڃوان رۈسدال عادامازدا اصگۈوېعان واڃانا` ښێنڬێ تارها هېزدا ڛېبې رېخانا` تارهێنێصا قواطێبې رېخۇن باڃانا مۇچ` "هاڷۇل ماعنا ۺێب؟" – ان فێكرۇ هابۇنا هێطێناو زۇلفۇقارێڛا` ښۈڬێدال عادامالڬێ ۺێبڬۈ بێڄۇلارۈڬۈ هېڷۇڅ رالاهۇن خۇطانا` زۇلفۇقارێل گۇدادا ښۈ باڸڬۈڸێ ڸاراب عادێن هێمانا` ښێنڬێ هېص غۈطۈدا وۇڬېو واساگۈدې ئێشان هابۇنا`

- خېخڬۈ رۈقۈوېڬێ ئۇن حېلېكۈ باچۇن واڃا، - يان بۇيۇرانا گۇداداڛا` بېردا وێڮۇلارېب كۇښاڷ وېكېرانا زۇلفۇقار رۈقۈوې` قوالاڨ حۇلاراب حېلېكۈڬێ ڭۇن خېخكۈڬۈ طادې ۺوانا`

گۇداداڛا حېلېكۈ تارهێنێصا قواطێبې باراب مۈچۈدې طادې بێڿانا` حېلكێڛا هېب مۇه ښۈ- ښۈ ڭۇن بێۺێزې بايبێڮانا` ڛێنڬێ باڅۇن نادێر- شاهاصۇل چافارزابێ چۇيازدې راخۇن هېنێصا ناڅې انا` زۇلفۇقارێدا بێڄێڃۈ قاجارازۇل ڛێن ۺاي باڅارابالێ` هېب گۇدادادا هێقێزې بۈڨۇن بۇگانا هېصێيې، صاناعات ڭېڃۈ`

تۇشماناصۇل بۈياز رۈسۇ صوېرۇن ڭۇنا` بايبێڮانا ڬۇرحېل هېڃېب راغ` ڃۈرال رېڃانا، خوالچابازۇل زوارغێ باڅانا` زۈبال باعارڸانا` ڨۇرابێ سۈرۈدانا`

عۇرڿێنخېر باعارڸانا، ڸارال صۇرماڸانا`

ڸابڞۇل باق طېرڮانا، ڸابڞۇل مۈڞ باڭانا`

نادێر- شاهاصۇل بېرهێنالدا راگ ڄۈلېب بۇگانا` قاجارال جېڬێ عېمېر رۇگانا، ماعارۇلال داهڸۇلېل رۇگانا`

راگالدا هېڃۈڬۈ رێڴاداصان چۇيازۇل ۺانگلازۇل طوارقێ راعێزې ڶۇهانا` هېل رۇگانا غۈب رۈسدال عادامازې كۇمېكاڷې راڃۇنېل ماعارۇلازۇل ښۈڬێدال رۈسابازۇل راغۇڅابێ` هانجې هېل كێنالڬۈ ښۈڸانا، ښاداڅ طادېڸانا تۇشماناصدې`

طۇرگانا چێيار راڨال راڅۇنېل، طۇرێزې بايبێڮانا قاجاراز` طۇرۇن ئۇنېل راغۇڅاباز جێدېداڬۈ خادۇر ماعارۇلال راڃۇنڬۇطێزې، ۺواراب داولا عۈدۈبې بالېب بۇگانا` نادێر- شاهاصۇل بۈياز داغێستان تېزابێزېعان ښۈنێڬێ ماعارۇلاو ڸالڅێڃۈ`

- داحادادا، دۈل قاجاراز نۇجېدا ڛېبې مۈچۈل ڝۇراب تارها ۺاي رېخۇن بۇگاراب؟ - ان ڝېخانا زۇلفۇقارێڛا ښۈ سۈردۈياڷ`

- قاجارازې بۈڨۇن بۇگانا جێدېر راغۇڅابێ هېب تارهێنێب مۇچعانڬێ عېمېر رۇڬێلان ابێزې`

- بێڄانا، بێڄانا، - يان احدانا زۇلفۇقار`

- حېلكێڛا مۇه بێۺۇلېب عادێن ښۈ- ښۈ ڭۇن غۇرێزې رۇڬێلا نۇجېر رێڴېن عېمېرال راغۇڅابێ`

- هېب ڬۇرێۺخا، داحادادا، مۈچۈدې حېلېكۈ بێڿاياڷۇل ماعنا ۺێب؟ نێڶېر بێۺۇنڬۈ قۇواتاب ياراغڬێ هېڃێۺخا، داحادادا؟

- بۇڬۈ، دێر واس، بۇڬۈ، - يان ابۇنا هێمۇلاڬۈ گۇداداڛا، كێداڬۈ راگالدې ۺوا، ڝۇنێزېڬێ ڝۇنې هېب ياراغ` دۇرڬۈ ڸێمالازۇڅې هېب ڨېزې گۈچۈن تۈڬې`

دۇغرێچێلازۇل مۇرتازاعالێ`