[eraw _ilisTinaS karanda qarab [warab ;imer bugo bera#da Cebe. bu\arab ruqa:ul {uTarab ra]u, ra]-ra]alde uneb bugo horoCa, fadal;aray fadin, foduley ebel, ebela:ul kwenZel Kun Zaral ;imal. zwaral ruqulago, reqel ;azogo, bazuneb bi%ula, _ilisTin ulka. a\madila#ul mu\amad

fiSinro/ul \ixi عێصێنرۈڶ ڭۈلا عێصێنڬۈ هابێڅ خاراب رۈڶ، كارشڬێ ابێڃۈڬۈ نێڶېرڬۈ ماعارۇل حێچێ ابۇن ڷێگ. ڞالێزې ڸالارېص ڸازابې ڝێياب اوار عاجام الێف. fiSinro/ Kola fiSingo habi] {arab ro/, kar^gi abizogo ni/ergo mafarul \ixi abun :ij. ~ali#e ;alareS ;a#abe `iyab awar ali_.

ri:a dungun cada] vunib mafarde كېڃ څوانا ئۈرداشێلازۇل ساعێدێڛا ڸێڸارۇڶ مۈڞاڷۇل ۲۰۲۰ سۈنالدا، كېڃ ڞالۇلېب بۇڬۈ خێرامۇحامادێلازۇل خێرامۇحامادێڛا. kez ]wana orda^ila#ul safidiCa ;i;aru/ mo~a:ul 2020 sonalda, kez ~aluleb bugo {iramu\amadila#ul {iramu\amadiCa.

Къуръаналдасса 30 дугIа ДугIа № 1 رَبَّنَا تَقَبَّلْ مِنَّا إِنَّكَ أَنْتَ السَّمِيعُ الْعَلِيمُ Раббана такъаббал минна, иннака анта-ссамигIул-гIалим. Я нижер БетIергьан Аллагь! Гьаб нижер гIамал дуцца къабул гьабе. Мун разилъиялълъе сабаблъун ккезе гьабе, гIадада хвараблъун гьабуге. ХIакълъунго мун кинабго жо рагIулев ва кинабго жо лъалев вуго. Суратул-Бакъарат, 127 ya ni$er beTerhan alah! hab ni$er famal duCa qabul habe. mun ra#i;iya:e sabab;un Ke#e habe, fadada [warab;un habuge. \aq;ungo mun kinabgo $o rafulew wa kinabgo $o ;alew wugo. suratul-baqarat, 127 ДугIа № 2 رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ Раббана атина фи-ддунья хIасанатан ва фил-ахирати хIасанатан ва къина гIазIаба-ннар Я нижер БетIергьан Аллагь! Дуцца нижее дунялалда лълъикIлъи кье, ва аххираталдаги лълъикIлъи кье, ва ниж жужахIалълъул гIазабалдассаги цIуне. Суратул-Бакъарат, 201 ya ni$er beTerhan alah! duCa ni$eye dunyalalda :ijli pe, wa a{irataldagi :ij;i pe, wa ni$ $u$a\a:ul fa#abaldaSagi `une. suratul-baqarat, 201 ДугIа №3 رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا Раббана ла туахизIна ин насина ав ахтIаъна. Я нижер БетIергьан Аллагь! Дуцца нижее гIазаб гьабуге нижеда кIочараб ва ниж ххатIалъун ккараб жоялълъул. Суратул-Бакъарат, 286 ДугIа № 4 رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا ۚ رَبَّنَا وَلَا تُحَمِّلْنَا مَا لَا طَاقَةَ لَنَا بِهِ ۖ وَاعْفُ عَنَّا وَاغْفِرْ لَنَا وَارْحَمْنَا ۚ أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ Раббана ва ла тахIмил гIалайна иссран кама хIамалтагьу гIала-ллазIина мин къаблина, Раббана ва ла тухIаммилна ма ла тIакъата лана бигьи, вагIфу гIанна вагъфир лана вархIамна, анта мавлана фанссурна гIалал-къавмил-кафирин. Я нижер БетIергьан Аллагь, нижеда тIубазе ва баччине кIолареб жоги тIад биччаге. Нижер хIалбихьи гьабун ракъи-къеч, унти-балагь тIад биччаге. Дуцца нижер мунагьал раххчун те, гьел тIасса инарун, мун нижеда гурхIа. «вагIфу гIанна»-ялълъе гIалимзабаз магIна гьабуна дудаги нижедаги гьоркьор ругел мунагьал тIасса лIугьун те абун. «вагъфир лана»-ялълъе магIна гьабуна нижеда ва дур лагъзадерида гьоркьор ругел мунагьал раххче абун. Гьел нижер къабихIал гIамалазда раккизаруге абураб магIна буго гьелълъул. «вархIамна»-ялълъе магIна гьабуна нахъ ххутIараб гIумруялълъ ниж муназулI ккеялдасса цIуне абун. Мун нижер хан вуго, нижее квер бакъулевги вуго, нижер киналго умуразул тадбир гьабулевги вуго. Дуцца нижее квербакъе Аллагь дур тушбабилъун ругел ва нижерги тушбабилъун ругел капураб къавмалда тIад бергьенлъи босизе. Суратул-Бакъарат, 286 ДугIа № 5 رَبَّنَا لاَ تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً إِنَّكَ أَنتَ الْوَهَّابُ Раббана ла тузигъ къулубана багIда изI гьадайтана ва гьаб лана мин ладунка рахIматан иннака антал-Вагьгьаб. Я нижер БетIергьан Аллагь, дуцца нижер ракIал хIакъаб диналдасса руссинаруге, дуцца нижеда хIакъаб дин лъазабун ва гьелда ниж тIоритIун ххадуб. Ва дуцца нижее дур рахъалIан рахIмат, цIцIобги кье. ХIакълъунго мун гIемер гурхIел-рахIмат кьолев вуго ва дуе рокьарал муъминзаби хIакъаб диналда тIоритIулев вуго. Суратул-ГIимран, 8 ДугIа № 6 رَبَّنَا اغْفِرْ لَنَا ذُنُوبَنَا وَإِسْرَافَنَا فِي أَمْرِنَا وَثَبِّتْ أَقْدَامَنَا وَانْصُرْنَا عَلَى الْقَوْمِ الْكَافِرِينَ Раббана-гъфир лана зIунубана ва исрафана фи амрина ва сIаббит акъдамана ванссурна гIалал-къавмил-кафирин Я нижер БетIергьан Аллагь, Дуцца нижер мунагьал чуре, дуе гьабулеб гIибадаталълъулI нижедасса ккараб кIкIвахIаллъи, жагъаллъиги тIасса лIугьун те. Дуцца ниж рагъул майданалда чIчIезаре, Дуцца нижее квербакъиги гьабе купру-ширкалълъул къавмалда тIад бергьенлъи босизе. Суратул-ГIимран, 147 ДугIа № 7 رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الْأَبْرَارِ Раббана фагъфир лана зIунубана ва каффир гIанна саййиатина ва таваффана магIал-абрар. Я нижер БетIергьан Аллагь, дуцца нижер кIудиял мунагьал чуре, гьел раххчун те, гIадамазда ццере ниж гIодорегIан гьаричIого. Ва нижецца гьарурал гIиссинал мунагьазул ва квешал гIамалазул гIакъуба-гIазаб тIасса реххун те. Ва дуцца ниж хвезаре ва аххир тIадеги рахъинаре мун жидеда разиял лълъикIал муъминзабигун цадахъ. Суратул-ГIимран, 193 ДугIа № 8 وَارْزُقْنَا وَأَنْتَ خَيْرُ الرَّازِقِينَ Варзукъна, ва анта хайру-рразикъин. Дуцца нижее гьеб ризкъи кье Аллагь. ХIакълъунго мун ризкъи кьолезул бищунго лълъикIав вуго. Суратул-маидат,114 ДугIа № 9 رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ Раббана зъаламна анфусана ва ин лам тагъфир лана ва тархIамна, ланакунанна минал-хасирин. Я нижер БетIергьан Аллагь! Нижецца нижерго напсазе зулму гьабуна дур амруялда ххилиплъи гьабун. Гьанже мун нижеда гурхIичIони ва дуцца нижер мунагьалги чуричIони ниж цIакъго гIадада хварал, чIорого ххутIарал гIадамал рукIина. Суратул-АгIраф, 23 ДугIа № 10 رَبَّنَا افْتَحْ بَيْنَنَا وَبَيْنَ قَوْمِنَا بِالْحَقِّ وَأَنْتَ خَيْرُ الْفَاتِحِينَ Раббана-фтахI байнана ва байна къавмина бил-хIакъкъи, ва анта хайрул-фатихIин. Я нижер БетIергьан Аллагь, нижедаги гьаб нижер къавмалдаги гьоркьоб дуцца хIукму гьабе хIакъаб, битIараб, жиндилI зулму гьечIеб, хIукму гьабиялълъ Мун вуго Аллагь жидецца хIукму гьабулезул бищунго лълъикIав. Суратул-АгIраф, 89 ДугIа № 11 رَبَّنَا أَفْرِغْ عَلَيْنَا صَبْرًا وَتَوَفَّنَا مُسْلِمِينَ Раббана афригъ гIалайна ссабран, ва таваффана муслимин. Я нижер бетIергьан Аллагь! Дуцца нижее ссабру кье ва ниж дуда иман лъураллъун дур аварагассда нахърилълъараллъун хвезеги гьаре! Суратул-АгIраф, 126 ДугIа № 12 أَنْتَ وَلِيُّنَا فَاغْفِرْ لَنَا وَارْحَمْنَا ۖ وَأَنْتَ خَيْرُ الْغَافِرِينَ وَاكْتُبْ لَنَا فِي هَٰذِهِ الدُّنْيَا حَسَنَةً وَفِي الْآخِرَةِ إِنَّا هُدْنَا إِلَيْكَ ۚ Анта валиййуна фагъфир лана вархIамна ва анта хайрул-гъафирин. Вактуб лана фи гьазIигьи-ддунья хIасанатан, ва фил-ахирати инна гьудна илайка. Мун вуго нижер киналниги умуразул вали ва тадбир гьабулев. Мун нижеда гурхIа Аллагь ва дуцца нижер мунагьалги чуре. Мун бищунго лълъикIав вуго тIасса лIугьун, мунагьал чурун дур лагъзал тезе. Дуцца нижее гьаб дунялалда лълъикIлъи насиб гьабе БетIергьан, аххираталдаги нижее лълъикIлъи насиб гьабе. Нижецца тавбу гьабуна ва ниж киналго мунагьал тун, гьел гьариялда ракI бухIун дуе гIибадат гьабиялде руссана Аллагь. Суратул-АгIраф, 155-156 ДугIа № 13 رَبِّ إِنِّي أَعُوذُ بِكَ أَنْ أَسْأَلَكَ مَا لَيْسَ لِي بِهِ عِلْمٌ ۖ وَإِلَّا تَغْفِرْ لِي وَتَرْحَمْنِي أَكُنْ مِنَ الْخَاسِرِين Рабби инни агIузIу бика ан ас’алука ма лайса ли бигьи гIилмун, ва илла тагъфир ли ва тархIамни акун минал-хасирин. Я дир БетIергьан! Дицца дудалъун цIуни гьарулеб буго дицца дуда гьариялдасса дида жиндир хIакъикъат лъалареб жо. Дуцца дир мунагьал чуричIони ва мун дидаги гурхIичIони дун вукIуна, БетIергьан, цIакъ аххираталълъе чIорого ххутIарал гIадамаздасса. Сурату Гьуд, 47 ДугIа № 14 أنْتَ وَلِيِّي فِي الدُّنْيَا وَالْآخِرَةِ ۖ تَوَفَّنِي مُسْلِمًا وَأَلْحِقْنِي بِالصَّالِحِينَ Анта валиййи фи-ддунья вал-ахирати таваффани муслиман ва алхIикъни би-ссвалихIин. Мун вуго дир вали, дуда амру тIамулев, дуда хьул лъолев ва гьаб дунялалдаги, ххадуб аххираталдаги квер бакъулев. Дуцца дун хвезаве Аллагь иманалда, исламалда вукIун ва дуцца дун нахърегIизаве мун жинда разиял гIадамазда, аварагзабазда, шагьидзабазда, гIалимзабазда ва киналго дуда асскIор къадру-къимат бугел муъминзабазда. Сурату Йусуф, 101 ДугIа № 15 رَبِّ اجْعَلْنِي مُقِيمَ الصَّلَاةِ وَمِنْ ذُرِّيَّتِي ۚ رَبَّنَا وَتَقَبَّلْ دُعَاءِ Рабби-джгIални мукъима-ссвалати ва мин зIуррияти Раббана ва такъаббал дугIаи. Дуцца дун гьаве, Аллагь, дуе гIибадат бацIцIад гьабулевлъун, дуе какал ралевлъун ва дир зурияталълъул гIадамалги гьаре дуе какал ралеллъун. Дуцца дугIаялълъе жавабги гьабе, я нижер БетIергьан Аллагь. Сурату Ибрагьим, 40 ДугIа № 16 رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ Раббана-гъфирли ва ливалидаййа ва лил-муъминина явма якъумул-хIисаб. Я нижер БетIергьан Аллагь! Дуда ццере чIчIезарун хIисаб-мизан гьабулеб къоялълъ Дуцца дир мунагьал чуре ва дир эбел-инссулги, киналго муъминзабазулги мунагьал чуре. Сурату Ибрагьим, 41 ДугIа № 17 رَبِّ ارْحَمْهُمَا كَمَا رَبَّيَانِي صَغِيرًا Рабби-рхIамгьума кама раббайани ссвагъиран. Я дир БетIергьан! Мун гьал дир эбел-инссуда гурхIа ва гьезда дур цIцIоб-рахIматги рещтIинабе, гьел кIиязго дие лълъикIлъи гьабураб гIадин дун гьитIинаб лъимерлъун вугеб меххалълъ Суратул-Исраи , 24 ДугIа № 18 رَبَّنَا آتِنَا مِنْ لَدُنْكَ رَحْمَةً وَهَيِّئْ لَنَا مِنْ أَمْرِنَا رَشَدًا Раббана атина мин ладунка рахIматан, ва гьаййиъ лана мин амрина рашадан. Я нижер БетIергьан Аллагь, Дуцца нижее дуда асскIосса цIцIоб-рахIмат кье. Нижер иман камил гьабе, нижее ссабруги кье, нижер мунагьалги раххчун те. Ва дуцца нижер амруги хIакъаб диналде тIоритIун гьелда ниж даимлъулеблъун гьабе, нижер аххирги дуцца битIун ккезабе. Суратул-Кагьфи, 10 ДугIа № 19 رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِنْ لِسَانِي يَفْقَهُوا قَوْلِي Рабби-шрахI ли ссвадри, ва йассир ли амри, вахIлул гIукъдатан мин лисани йафкъагьу къавли. Я дир БетIергьан Аллагь, Дуцца дир керен иманалълъул цIезабун гIатIид гьабе. Дуцца дир амруги бигьа гьабе. Дуцца дир мацIцIалда бугеб гарацIцIги биче. Гьел гIадамазда дицца бицунеб рагIи бичIчIизе ва гьез дир вагIза босине. Сурату ТIагьа, 25-28 ДугIа № 20 رَبِّ زِدْنِي عِلْمًا Рабби зидни гIилман Я БетIергьан Аллагь, дуцца цIцIикIкIинабе дир гIелму. Сурату ТIагьа, 114 ДугIа № 21 أَنِّي مَسَّنِيَ الضُّرُّ وَأَنْتَ أَرْحَمُ الرَّاحِمِينَ Анни массанийа-дъдъурру, ва анта АрхIаму-РрахIимин. Дида къварилъи хъатIун буго Аллагь, Мун цIакъ гурхIулев вуго, дур гурхIел-рахIмуялда буго дир хьул ва божи. Суратул-Анбияи, 83 ДугIа № 22 رَبِّ أَعُوذُ بِكَ مِنْ هَمَزَاتِ الشَّيَاطِينِ Рабби агIузIу бика мин гьамазати-шшайатIини. Дицца дур цIцIаралдалъун гьарулеб буго БетIергьан, дун цIуне абун шайтIаналълъ вас-вас ккезабиялдасса ва гьелълъ дун батIулаб жоялда гьетIизавиялдасса. Суратул-Муъминуна, 97 ДугIа № 23 رَبَّنَا آمَنَّا فَاغْفِرْ لَنَا وَارْحَمْنَا وَأَنْتَ خَيْرُ الرَّاحِمِينَ Раббана аманна фагъфир лана вархIамна ва анта хайру-ррахIимин. Я нижер БетIергьан Аллагь, Нижецца дуда иман лъуна, дур аварагги ритIухъ гьавуна, дур Къуръанги къабул гьабуна. Дуцца нижер мунагьал чуре ва мун нижеда гурхIа! ГурхIел гьабулезул бищунго лълъикIав вуго Мун. Суратул-Муъминуна, 109 ДугIа № 24 رَبَّنَا اصْرِفْ عَنَّا عَذَابَ جَهَنَّمَ ۖ إِنَّ عَذَابَهَا كَانَ غَرَامًا Раббана-ссриф гIанна гIазIаба джагьаннама, инна гIазIабагьа кана гъараман. Я нижер БетIергьан Аллагь, Дуцца нижедасса буссинабе ва рикIкIад гьабе жужахIалълъул гIазаб. Гьеб гIазаб жиб щварав чияссдасса тIасса унареб буго. Суратул-Фуркъан, 65 ДугIа № 25 رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا Раббана гьаб лана мин азваджина ва зIурриййатина къуррата агIйунин, ваджгIална лил-муттакъина имаман. Я нижер БетIергьан! нижер руччабаздасса ва лъималаздасса ниж роххизарулел, нижер бер ва ракI рази гьабулел лълъикIал муъминзаби гьаре. Дуцца нижгоги гьаре нижеда нахърилълъарал муъминзабазе имамзабилъун. Суратул-Фуркъан, 74 ДугIа № 26 رَبِّ هَبْ لِي حُكْمًا وَأَلْحِقْنِي بِالصَّالِحِينَ وَاجْعَلْ لِي لِسَانَ صِدْقٍ فِي الْآخِرِينَ وَاجْعَلْنِي مِنْ وَرَثَةِ جَنَّةِ النَّعِيمِ Рабби гьаб ли хIукман, ва алхIикъни би-ссвалихIина. ВаджгIал ли лисана ссидкъин фил-ахирина. ВаджгIални мин варасIати джаннати-ннагIими. Я дир БетIаргьан Аллагь, Дуцца дие гIелму-лъай кьун дун хIакъаб дин гьабулевлъун гьаве ва жидеда мун разиял лълъикIал муъминзабазда нахъ регIизавун, гьелгун цадахъ гьаве. Дуцца дун хун ххадубги гIадамазда гьоркьоб дир цIцIар лълъикIаб, ритIухъаб жоялдалъун реххссолеблъун гьабе. Дуцца дун нигIматазул алжанал ирсалълъе росулездассаги гьаве. Сурату-ШшугIараи, 83-85 ДугIа № 27 رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَىٰ وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ Рабби авзигIни ан ашкура нигIматака-ллати ангIамта гIалаййа ва гIала валидаййа ва ан агIмала ссвалихIан тардъагьу ва адхилни бирахIматика фи гIибадика-ссвалихIина. Я дир БетIергьан Аллагь, Дуцца дие тавпикъ кье, дие ва дир инссуе кьурал дур нигIматазе щукру гьабизе. Мун разилъулеб лълъикIаб гIамал гьабизеги тавпикъ кье. Дур цIцIоб-рахIматалдалъун дуцца дун мун жинда разиял лълъикIал гIадамалгун цадахъ алжаналдаги лIугьинаве. Сурату-Ннамли, 19 ДугIа № 28 رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلًّا لِلَّذِينَ آمَنُوا رَبَّنَا إِنَّكَ رَءُوفٌ رَحِيمٌ Раббана-гъфир лана ва ли-ихванина-ллазIина сабакъуна бил-имани, ва ла таджгIал фи къулубина гъилла лиллазIина аману. Раббана иннака Рауфун РахIим. Я нижер БетIергьан Аллагь! Дуцца нижер мунагьал раххче ва нижедасса ццере рукIарал муъминзабазулги мунагьал раххче. Ххирияв авараггун цадахъ Аллагьассул диналълъе жидецца квербакъи гьабурал ассхIабзаби руго гьел. Дуцца нижер рекIелIе жидецца Аллагьассда иман лъурал гIадамаздеххун ццим бахъин, хIасад ва хIалхъублъи гьабуге. Мун вуго, нижер БетIергьан, цIакъ гурхIулев ва дуцца мунагьал раххчулев. Суратул-ХIашри, 10 ДугIа № 29 رَبِّ ابْنِ لِي عِنْدَكَ بَيْتًا فِي الْجَنَّةِ Рабби-бни ли гIиндака байтан фил-джаннати. Я дир БетIергьан Аллагь! Дуцца дие алжаналда жаниб дуда асскIоб рукъ бае. Сурату-ттахIрими, 11 ДугIа № 30 رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا وَلِلْمُؤْمِنِينَ وَالْمُؤْمِنَاتِ وَلَا تَزِدِ الظَّالِمِينَ إِلَّا تَبَارًا Рабби-гъфир ли ва ливалидаййа ва лиман дахала байтийа муъминан ва лил-муъминина вал-муъминати ва ла тазиди-зъзъалимина илла табаран. Я дир БетIергьан Аллагь! Дуцца дир мунагьал чуре, дир эбел-инссулги чуре, жидецца иманги лъун дир рокъоре лIугьарал киналго муъминзабазул мунагьалги чуре. Гьел гурелги киналго муъминал бихьиназул ва муъминал руччабазулги мунагьал чуре. Мун цо вукIиналда инкар ккурал, дур аварагзабиги гьезул рисалатги гьересси гьабураб купру-ширкалълъул къавмалълъе дуцца гьалаглъи ва чIорого ххутIин цIцIикIкIинабе Аллагь! Сурату НухI, 28 МагIарул мацIцIалде буссинабураб мунагьал чураяв Сасикьа ГIабдурахIимицца гьабураб Къуръаналълъул тапсиралдасса босараб буго.

سورة الفاتحة ﴾۱﴿ بِسْمِ اللَّـهِ الرَّحْمَـٰنِ الرَّحِيمِ سُورَةُ اافَاتِحَةِ ماڭايالدا رېۺطێنابۇراب، جێندا جانێب انڨڬۈ ايات بۇڬېب. ۱. دێڛا الاهاصۇل (عز و جل) ڞارالداڸۇن بايبێڮێ هابۇلېب بۇڬۈ: دۇنيالاڷۇل رۈقۈب جێندێر ڬۇرحېل كێنازدېڬۈ ۺۈلېو، اخێراتالدا جێو مۇئمێنزابازدا ڬۇرحۇلېو. دێڛا كێنالڬۈ ئۇمۇرازۇڶ كوېرباقێڬێ الاهاصداصا طالاب هابۇلېب بۇڬۈ. هېو الله (عز و جل) جێندێيې عێبادات (لاغڸێ) هابێزې طاداو بېطېرهان وۇڬۈ، كێنابڬۈ ڷێگڸێ، ڞۈب - راحمات وا نێعماتال ڨۈلېو وۇڬۈ. جێندێر راحمات وا ڞۈب كێنابڬۈ جۈيالدا ۺۈلېو وا عاماو وۇڬۈ. هېب بێسمێلاهالدا جانێب الاهاصۇل (عز و جل) ئۇنقۈيالدا انڝێلا ئێڃڬۈ ڞارالداصان ڸابڬۈ ڞار بۇڬۈ: الله، الرحمان، الرحيم. بێۺۇن خێرێياب، ښۈڬێ ۺێبڬۈ جۈيالدا كێداڬۈ ڸېڃېب، بېطېرهاناصۇل زاتالدا ڸۇراب ڞار بۇڬۈ الله. خادۇصېل كێنالڬۈ ڞارال هېب الله ابۇرالب ڞاراڷې صێفاتڸۇن ڭۈلا وا طادېعاناو الاصۇل كامێلڸێ بێښۇنېل رۇڬۈ. الرحمان ابۇراب ڞاراڷۇل ماعنا بۇڬۈ جێندێر راحمات، ڬۇرحېل عاماو، عېمېراو، كێنابڬۈ جۈيالدا ۺۈلېو ابۇراب. هاب ڞارڬێ الله (عز و جل) ڬۇرېصدا ابێڃېب وا ابۇلارېب بۇڬۈ. الرحيم ابۇراب ڞار راحمات - ڬۇرحېل دائێماو ابۇراب ماعنايالدا بۇڬۈ: هېو الله (عز و جل) دۇنيالالداڬێ اخێراتالداڬێ مۇئمێنزابازدا ڬۇرحۇلېو وۇڬېڷۇل. Суратул-ПатихIа Маккаялда рештIинабураб, жинда жаниб анкьго аят бугеб I. Дицца Аллагьассул ( عز وجل ) цIцIаралдалъун байбихьи гьабулеб буго: дунялалълъул рокъоб жиндир гурхIел киназдего що лев, аххираталда жив муъминзабада гурхIулев. Дицца киналго умуразулI квербакъиги Аллагьассдасса тIалаб гьабулеб буго. гьев Аллагь ( عز وجل ) жиндие гIибадат (лагълъи) гьабизе тIадав БетIергьан вуго, кинабго лълъикIлъи, цIцIоб-рахIмат ва нигIматал кьолев вуго. Жиндир рахIмат ва цIцIоб кинабго жоялда щолев ва гIаммав вуго. Гьеб бисмиллагьалда жаниб Аллагьассул ( عز وجل ) ункъоялда анцIила ичIго цIцIаралдассан лъабго цIцIар буго: Аллагь, АррахIман, АррахIим. Бищун ххирияб, цоги щибго жоялда кидаго лъечIеб, БетIергьанассул заталда лъураб цIцIар буго Аллагь. Ххадуссел киналго цIцIарал гьеб Аллагь абураб цIцIаралълъе ссипатлъун ккола ва ТIадегIанав Аллагьассул камиллъи бицунел руго. АррахIман абураб цIцIаралълъул магIна буго жиндир рахIмат, гурхIел гIаммав, гIемерав, кинабго жоялда щолев абураб. Гьаб цIцIарги Аллагь ( عز وجل ) гурессда абичIеб ва абулареб буго. АррахIим абураб цIцIар рахIмат-гурхIел даимав абураб магIнаялда буго: Гьев Аллагь ( عز وجل ) дунялалдаги аххираталдаги муъминзабазда гурхIулев вугелъул. suratul-_ati\a maKayalda re&Tinaburab, $inda $anib anpgo ayat bugeb. 1. alahaSul ~aralda;un baybi%i habuleb bugo, dunyala:ul roqob $indir gur\el kina#dego &olew, a{iratalda $iw ma'min#aba#da gur\ulew. diCa kinalgo umura#u/ kwerbaqigi alahaSdaSagi Talab habuleb bugo. hew alah $indiye fibadat (lav;i) habi#e Tadaw beTerhan wugo, kinabgo :ij;i, ~ob-ra\mat wa nifmatal polew wugo. $indir ra\mat wa ~ob kinabgo $oyalda &olew wa famaw wugo. heb bismilahalda $anib alahaSul unqoyalda an`iyala izgo ~araldaSan ;abgo ~ar bugo - allah, ar-ra\man, ar-ra\im. bi&un {iriyab, cogi &ibgo $oyalda kidago ;ezeb, beTerhanaSul #atalda ;urab ~ar bugo allah. {aduSel kinalgo ~aral heb allah aburab ~ara:e Si_at;un Kola wa Tadefanaw allahaSul kamil;i bicunel rugo. ar-ra\man aburab ~ara:ul mafna bugo $indir ra\mat, gur\el famaw, femeraw, kinabgo $oyalda &olew aburab. hab ~argi allah gureSda abizeb wa abulareb bugo. ar-ra\im aburab ~ar ra\mat-gur\el daimaw aburab mafnayalda bugo, heb allah dunyalaldagi a{irataldagi mu'min#aba#da gur\ulew wuge;ul. ﴾ ۲ ﴿ الْحَمْدُ لِلَّـهِ رَبِّ الْعَالَمِينَ ۲. كێنابڬۈ رېڛ، ڷێڛا، ڷێيې، ۺێب سابابڸۇن هابۇرابڬێ، الاهاصې بۇڬۈ. كێنازۇلڬۈ بېطېرهان هېو وۇڬېڸۇل وا اصلۇيالدا كێنابڬۈ ڷێگڸێ الاهاصداصا بۇڬېڸۇل. جێو كێنابڬۈ عالاماڷۇل بېطېرهانڸۇن وۇڬېو، كێنابڬۈ جۈياڷۇل تادبێر هابۇلېو، هېل ڮێڮۇلېو، ڝۇنۇلېو، عۇڞۇنېو. جێندێيې لاغڸێ هابێزې طاداو خانڸۇنڬێ وۇڬېو. طادېعاناو الاهاصې رېڛ هابێ دائاماب، ناڅاصان قۈطێ هېڃېب بۇڬۈ، هېو الاهاصۇا نێعماتال، هېصۇل ڬۇرحېل ڞۈب دائێماب بۇڬېڸۇل. 2. Кинабго рецц, лълъица, лълъие, щиб сабаблъун гьабурабги, Аллагьассе буго. Киназулго бетIергьан гьев вугелъул ва асслуялда кинабго лълъикIлъи Аллагьассдасса бугелъул. Жив кинабго гIаламалълъул бетIергьанлъун вугев, кинабго жоялълъул тадбир гьабулев, гьел хьихьулев, цIунулев, гIуцIцIунев. Жиндие лагълъи гьабизе тIадав ханлъунги вугев. ТIадегIанав Аллагьассе рецц гьаби даимаб, нахъассан къотIи гьечIеб буго, гьев Аллагьассул ( عز وجل ) нигIматал, гьессул гурхIел-цIцIоб даимаб бугелъул. 2. kinabgo reC, :iCa, :iye, &ib sabab;un haburabgi, alahaSe bugo. kina#ulgo beTerhan hew wuge;ul wa aSluyalda kinabgo :ij;i alahaSdaSa buge;ul. $iw kinabgo falama:ul beTerhan;un wugew, kinabgo $oya:ul tadbir habulew, hel %i%ulew, `unulew, fu~unew. $indiye lav;i habi#e Tadaw {an;ungi wugew. Tadefanaw alahaSe reC habi daimab, na]aSan qoTi hezeb bugo, hew alahaSul nifmatal, heSul gur\el-~ob daimab buge;ul. ﴾۳﴿ الرَّحْمَـٰنِ الرَّحِيمِ 3. Дунялалда жив лълъикIассдаги квешассдаги гурхIулев: гьезие нигIматал кьун, гьезул масслахIатал тIоритIун. Аххираталда муъминзабада гурхIулев. Аххираталълъул рукъ гIамалалда данде жаза гьабулеб бугелъул, гьениб Аллагьассул гурхIел муъминзабада гурого букIунаро. Капурзаби ва мушрикал жужахIалда уна ва гьенир даимлъула. (жаза: гьабураб гIамалалда рекъон гьабулеб кири яги гIазаб). ﴾۴ ﴿ مَالِكِ يَوْمِ الدِّينِ 4. Къиямассеб къоялълъул бетIергьанлъун жив вугев, жиндилI кинабго жоялълъул хIисаб-мизан ва жаза гьабулеб. Гьеб къоялълъ гьитIинаб ва кIудияб кинабго жоялълъул иххтияр, ханлъи, ва хIукму гьабизе бугеб квершел цохIо Аллагьассда ( عز وجل ) кодоб букIуна. Дунялалълъул бетIергьан вуго Аллагь, амма гьаб дунялалда нилIеда рихьулеб бакIалда жидеда бетIергьан абулел гIадамал рукIуна, масала: рукъалълъул бетIергьан, ракьалълъул, боцIцIиялълъул бетIергьан. Аххираталда гьединал бетIергьаби рукIунаро ва кинабго жоялълъул ханлъи ТIадегIанав Аллагьассде ( عز وجل ) буссун букIуна. ﴾۵﴿ إِيَّاكَ نَعْبُدُ وَإِيَّاكَ نَسْتَعِينُ 5. Дуе буго, Аллагь ( عز وجل ), нижецца лагълъи гьабулеб, мун гурессе гьечIо. Дудасса буго Аллагь ( عز وجل ) нижецца квербакъи тIалаб гьабулеб, мун гурессдасса гьечIо. ЦохIо дуе буго БетIергьан Аллагь нижер хIелиги гьариги, мукIурлъиги, мутIигIлъиги. ЦохIо дудасса буго БетIергьан Аллагь нижецца квербакъи тIалаб гьабулеб тIагIат-гIибадат ва лълъикIаб гIамал гьабиялълъулI, квешаб гIамал тезеги. Мун гурев нижее квербакъизе кIолев гьечIо ва кIодо гьавизе, хIурмат гьабизе рекъаравги цохIо мун вуго. ﴾۶﴿ اهْدِنَا الصِّرَاطَ الْمُسْتَقِيمَ 6. Дуцца ниж битIараб нухде тIоритIе. Мун жинда разияб, дуе битIун лагълъи гьабизе лъалеб. Дуцца жиндалъун киналго аварагзаби ритIараб исламияб диналълъул нухда тIоритIе. Дуде гIагарлъи бокьарал, мун разилъи бокьарал гIадамал хьвадулеб нухда тIоритIе. ﴾۷﴿ صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ 7. Дуцца жидее кIудиял нигIматал кьурал аварагзабазул ритIухъал, рацIцIадал гIадамазул нухда тIоритIе. Шагьидзабазул ва лълъикIал муъминзабазул нухда тIоритIе, гьелда ниж даимго чIчIезеги гьаре. Жидеда дур ццим бахъарал ягьудазул нух гуреб ва жал хIакъаб жо лъаларого къосарал ва мекъаб нухде ккарал насраниязул нухги гуреб. Дур нухдасса гьетIарал дур тушбабздасса ниж гьаруге Аллагь ( عز وجل ). Исламияб диналълъул нухдасса къосарал ва жидеда дур ццим бахъиги, абадияб рахIматалдасса рикIкIад гьариги тIалъарал гIадамал руго гьел. Амин, дуцца жаваб гьабе бетIергьан. Гьаб сурат, жиб кьокъаб бугониги, жиндир магIна цIакъ гъваридаб, кинабго Къуръаналда жаниб бугеб жоялда ишара гьабулеб буго. Гьедин букIиналълъ гьелда цIцIар тана уммул Къуръан абунги (Къуръаналълъул эбел). Гьаб сураталълъул ххиралъи бицун, Аллагьассул ссвалат салам лъеяв аварагасс абуна: «ТIадегIанав Аллагьасс ( عز وجل ) Инжилалда, Тавраталда, Забуралда ва Къуръаналда жанибги рештIинчIо гьалда релълъараб цоги сурат» - абун. Ай, ххиралъиялълъул рахъалълъан суратул патихIаялда релълъараб цоги сурат гьечIо. Гьаб сурат ххирияб букIин гIеларищ паризаяб какил щибаб вахъун чIеялълъулI гьеб цIцIалулеб букIинги. Гьедин бугелъул щивав инсанасс яхI бахъизе ккола гьаб сурат битIун цIцIализе ва гьелълъул магIна ххал гьабун, гьелълъул пикру гьабун цIцIализеги. Аллагь разилъаяв Абугьурайратидассан хIадис бицана: «Дида авараг صلى الله عليه وسلم абулев рагIана: БетIергьан Аллагьасс ( عزوجل ) абула: Как дидаги дир лагъассдаги гьоркьоб кIибикьараб буго (бащад гьабураб буго), ва дир лагъассе гьесс гьарараб жо букIине буго. Лагъасс, кинабго рецц Аллагьассе бугоян абидал, Аллагьасс абула: Дир лагъасс дие рецц гьабуна абун. Цингиги лагъасс абидал: жиндир гурхIел - цIцIоб кинабго жоялда щолев - абун, Аллагьасс абула: Дир лагъасс дун кIодо гьавуна абун. Ххадубги лагъасс абидал: къиямассеб къоялълъул бетIергьан - абун, Аллагьасс ( عز وجل ) абула: Дир лагъасс дир къадру-къимат гьабуна, кинабго амруги дида тIамун тана абун. Цинги лагъасс абидал: нижецца лагълъи дуе гьабулеб буго ва квер бакъиги дудассан тIалаб гьабула буго ян абун,- Аллагьасс абула: Гьаб дидаги лагъассдаги гьоркьоб буго ва дир лагъассе жинцца гьарараб жо букIине буго абун. Аххиралдаги лагъасс абидал: Дуцца ниж жидее иман-исламалълъул нигIмат кьурал гIадамазул нухда тIоритIе, жидеде дур ццим бахъарал гурел, жал къосараллъунги гурел абун, ТIадегIанав Аллагьасс ( عز وجل ) абула: Гьаб кинабго дир лагъассе буго ва гьессие жинцца гьарараб жо букIине буго ян абун. Аллагьассе гIабдлъун (лагълъун) вукIиналълъул магIна букIунаро цо инсан цоги инсанассул лагълъун вугеб гIадаб. МагIарул мацIцIалда «ГIабдулагь»- ялълъул магIна гьабуни Аллагь вокьулев ва Аллагьассе вокьулев абун - гьеб рекъела ГIабдуллагьалълъе магIналъун букIине. ТIадегIанав Аллагьасс ( عز وجل ) жиндие ххирияв МухIаммад صلى الله عليه وسلم аварагассул бицунаго, гьессда ГIабдуллагь абун буго чанго аяталда жаниб. Гьелдассан бичIине рекъараб буго ГIабдуллагьлъун (Аллагьассул лагълъун) вукIин тIадегIанаб макъам букIин. Щуабилеб аят: «Дуе буго Аллагь нижецца лагълъи гьабулеб ва дудассан буго квербакъи тIалаб гьабулеб» - гьаб аят цIцIалулеб меххалълъ как балев чи кантIун вукIине ккела жинцца абулеб ругIиялълъул магIнаялда. «Дуе буго нижецца лагълъи гьабулеб» - абураб меххалълъ, кинабго гIибадаталда: как бай, кIал квей, закат-ссахI бахъи, ссадакъа гьаби, дугIа-гьари гьаби ва цогидабги гIемераб жоялда щвей гьабулеб рагIи буго гьеб. Лагълъи гьаби ва гIибадат гьаби цохIо магIна буго. ХIакъикъияб лагълъи цохIо Аллагьассе ( عز وجل ) гурони букIунаро. Гьаб магIна бичIчIараб меххалълъ ва жиндир иманалълъулIги ритIухълъараб меххалълъ, буссурманчи кидаго цохIо Аллагьассда ( عز وجل ) хьул лъолев, гьессда божулев ва гьессдассан хIинкъулев вукIине ккола. Гьедин бугелъул Аллагьасс нилIеда малълъун буго: «дуе буго нижецца гIибадат гьабулеб» абураб рагIиялда ххадуб «Дудассан буго нужецца квербакъи тIалаб гьабулеб» - ян абизе. Гьадинаб берцинаб, магIна гъваридаб, инсанассе хIажатаб жоялда гьев тIовитIулеб жо буго Аллагьассул ( عز وجل ) калам. Гьеб Къуръаналълъул пикру гьабурав, гьелълъул магIна бичIчIарав чи, инша Аллагь, хIакъаб нухде вачIина ва Къуръаналълъ малълъухъин хьвадила. Аллагьасс ( عز وجل ) тавпикъ кьеги жив разияб гIамал гьабизе. Сасикьа Гӏабдурахӏимицца буссинабураб Къуръан тапсиралдасса

20 бутIа ХIорги хIайванал хьихьинеб бакIги 20 buTa \orgi \aywanalgi %i%ineb baj «Щиби нелълъецца бокьоб буде бугеб? - ян гьикъана Варангазул Баххуцца Кьукьулазул Цидулассда. «Нилълъ энде руго хIайваназухъ балагьде, - абуна Кьукьулазул Цидуласс, - сонкъасси кIиго бече тIагIан гьечIого рукIана». Курцазул Чунчуласс гьикъана - «Бече гIакдал гьимерщи ккенеб?» Кьукьулазул Цидуласс абуна - «Э, маарул мацIцIалълъани нелълъецца гьелълъа гIакдал гьимер абиняро, нелълъецца гьелълъа бече абиня». Варангазул Баххуцца гьикъана - «Цидулав ацци, кида бачал унтарал?» «Сонкъасси унтун рукIана гьел, - абуна Кьукьулазул Цидуласс, - якъадни сагъ-саламат ругин ккена дида». Варангазул Баххуцца гьикъана - «Цидулав ацци, дирщи бече унтун букIараб?» «Гуро, Бахху, дур бече лълъикI буго, - абуна Кьукьулазул Цидуласс, - унтарал бачал гьитIиняб хъахIаб гIакдал руго». Киданиги гьой яги кето гурони хIайван букIчIев Курцазул Чунчуласс Варангазул Баххуда гьикъана - «Эгогощи дурги БацIилассулги цо-цо бече букIин?» Варангазул Баххуцца абуна - «Э, дой бокьун бугищи гьезухъ балагьде?» Курцазул Цидуласс абуна - «Э, цIакъ бокьун буго!» Варангазул Баххуцца абуна - «Нелълъерго бачазухъ балагьде энде бегьлищи, Цидулав ацци?» «Э, цо дагьаб меххалълъ бегьиня» - абуна Кьукьулазул Цидуласс. Цидулав ацциццаги гьессул гIолохъанал гьудулзабазе нуцIцIа рагьана. «РачIа жанире, - ян абуна Цидулав аццицца. КIиябго унтараб бече жеги сагъчIо, кунадени байбихьун буго, гьеб цIакъ лълъикI буго, щибидегурелълъул унтараб меххалълъ кунаде гъира букIинярелълъул. Кьукьулазул Цидулассул гIемерал хIайванал руго. Бокьове щвараб меххалълъ, щибаб хIайваналълъа гъунивеги омо, гьезе ххер-квен кьена, рокIел хIал лълъикI букIде. Шурагьаб бищунго гIемер хIайванал Кьукьулазул Цидулассул руго. Гьессул руго гIемераб рахь кьенел гIачиял. Цодагьаб меххалълъ бачал гьималазухъ ралагьун рукIана, Цидулав аццицца БацIилассулги Баххулги бачал рихьдеруна. «Балагье, Чунчулав! - ян абуна Варангазул Баххуцца, - дир бачил кIарчIамли щибихха». Курцазул Чунчуласс абуна - «Кинаб дур бугеб?» Варангазул Баххуцца абуна - «Гьабеле гьеб! КIудаб чIчIегIераб гIакдал кумараб рахъалълъа бугеб». «Э, дида дур бече гьандже бихьиня, абуна Курцазул Чунчуласс, - гьеб эгого кIарчIамаб жо буго. БацIилассул бече кебегIаниб бугеб?» «Дир бече гьаниб буго, ян абуна Варангазул БацIиласс, - гьебги кIарчIамаб жо буго. Дида ккена дир бече Баххул бачидасса кIарчIамаб бугин». «Гуро, дур бече диралълъасса берцинаб гьечIо! – абуна Варангазул Баххуцца, - Чунчулав, бице цо, лълъили бече кIарчIамаб бугебали, дирщи яги гьессулщи?» Курцалазул Чунчуласс абуна - «Дида гьаняро, Бахху!» Кьукьулазул Цидуласс абуна - «Чунчулассда ракIчIчIомо абде кIваняро лълъили бече бищун кIарчIамаб бугебали, кIиябго бече кIарчIамаб бугебали дида абде кIваня». Варангазул КиштIайицца абуна - «Гьаб бокьоб гьандже дирго хIайван гьечIо. Ццебеххунни дир букIана гьитIинябго бече. Гьебги букIана цIакъго кIарчIамаб, ножерго бачал гIадин». Курцазул Чунчуласс гьикъана - «Дур гьокIал хIайванал рукIчIищи?» Варангазул КиштIайицца абуна - «РукIчIо, щибидегурелълъул гьеб бече хъодеги хъомо, гьелълъул гьан комо буго». Курцазул Чунчуласс абуна - «Пакъир». Варангазул Баххуцца абуна - «Дир бече киданиги конде гьечIо!» Варангазул БацIиласс абуна - «Гьандже гуро, цо кидаялиго дурги дирги хъодеги хъомо, конде буго». Варангазул Баххуцца абуна - «Дурабни хъоде буго, дираб хъоде гьечIо! Цидулав ацци, дир бече хъоде гечIо гури!» Цидулав аццицца абуна - «БитIараб буго, Бахху. Дур бече хъоде гьечIо, гьеб теде буго бечIчIде гIоло. Гьелълъ гIемераб рахь кьеде буго». ГIачи-бачазухъ балагьун ххадур, гьималги ацциги омо руго чуязухъ балагьде. Кьукьулазул Цидулассул щуго-анлълъго чу букIана. Курцазул Чунчулав гIемераб меххалълъ нуцIцIил кумараб рахъалълъа гьезда гъунив чIчIомо ххутIана. «Гьел цIакъ берценал руго, Бахху! - ян абун, Цидулав аццида абуна - «Дирги росолълъ бел,эрбахъи бунев ацци вукIарав гIани, дирги букIлаан гьеб гIадинаб, чIчIегIерабги хъахIабги берценаб чу». Варангазул БацIиласс абуна - «Э, гьеб чу берценаб буго. Цо къоялълъ Цидулав аццицца абла дида кинаб дир букIде бугебали, гурщи ацци?» Цидулав аццицца абуна - «Э, гьедин абла!» Гьимал чуязухъ балагьун ххадуб, гьел бокьосса къватIире рахъун руго, цинги аццицца гьималазда абуна - «Дида гьанже ножеда гъунив чIчIеде кIваняро. Дир бунеб-тенеб жо буго!» «Къо-мехх лълъикI!» - ян абуна аццицца энев меххалълъ. Ценги Варангазул БацIиласс абуна - «Щиби гьандже нелълъецца булеб?» Варангазул Пирххарасс абуна - «Рилълъа хIорихъе! Мун нежеда цадахъ хIорихъе велълъенде гьечIищи, Чунчулав?» «ГьечIо, дун рукъув чIчIела. Ценги нужго ахха!» Варангазул Баххуцца абуна - «Мун велълъенчIони, дунги йелълъенде гьечIо!» Курцазул Чунчуласс абуна - «ЛълъикI, рилълъахха гьедин батани хIорихъе». «ХIор» БацIиласс абухъе, гьитIинябго хIавуз буго, гьелълъа гьитIинябго раса букIана. «ХIорда» ссверухъ гъутIбиги рукIана, Баххуццаца гьезда абиняан - «Иприкъалълъул кIудал гъутIби» абун. ХIорида гьаб нугьалълъ гъазал рукIчIо, ценги кIиго раса букIана. Гьимал ралдалгъачагъазул хIаял хIаде байбихьана. Гъокь нугьалълъ гъазал хIорида ругеб меххалълъ, гьимал гIемераб меххалълъ «хIоридассан» хьвадана. Гьанджени абуни, гьезе бокьун бугин ралдалгъачагъазул хIай хIаде. Якъад бищун ццеве хIорихъе щиви щварав? Варангазул БацIилавщи яги Баххущи? Варангазул БацIилав, щибидегурелълъул гьев цогидаздасса ццеве энев вукIана. БацIилассе цIакъ бокьиня ццеве вахъун энде. Варангазул Пирххарав гьессда ххадув вегьана. Сонкъассини абуни, бищун ццеве Пирххарав щвана. Варангазул БацIиласс абуна - «РачIа. ЧIчIегIермагжилассул раса гьаниб буго!» - ян абуна гьесс. Гьимал ралдалгъачагъазул хIай хIанел меххалълъ, Варангазул БацIилассе бокьиня ЧIчIегIермагжилавлун вукIде. «КиштIайги Баххуги, нуж росолаги рокIон, балагьун чIчIа!» Варангазул Пирххарав кIудаб гъотIоле адеги вагьун абуна гьаб БагIарав Ралдалгъачагъассул раса букIде бугин. Ценги Варангазул КиштIайицца абуна жий ХъахIай Ралдалгъачагъай йикIде йигин, ЧIчIегIермагжилассул тушман, щибидегурелълъул женда хъахIаб горде рогьон букIиналълъ. КиштIай росола ракIана, ценги БацIилав гъотIолеги вагьун квегIабги кумарабги рахъалълъеххун валагьана. КиштIай ахIдана - «Щиби дуда бихьинеб?» БацIиласс абуна - «Дида бихьинеб буго 1000 (азарго) ралдалгъачагъазул раса бачIинеб бугин!» КиштIайицца гьикъана - «Гьал дир тушманассул ЧIчIермагжилассул русбищи?» БацIиласс абуна - «Э, дида ккена гьел гьессул русби ругин. Гьев гьенивгоги вуго. КиштIай, мун гьанисса нахъе омо лълъикI гурщи?» КиштIайицца абуна - «Энаро, дун йагъде йиго! Балагье, дир кIиазарго (2000) раса гьанибе бачIинеб бугин. БагIарав Ралдалгъачагъав, рачIа нилълъ ЧIчIегIермагжилавгун рагъде». Ценги Варангазул БацIилав гъотIоласса гIодовеги рещтIун, Варангазул Баххуда гьарана чIчIегIераб колълъен. Баххуцца гьессухъе кьуна. БацIилав ахIдана - «Гьанже дирги русби рачIинел руго. Гьале дир ралдалгъачагъазул пайрахъ!» - ян абун Баххуда чIчIегIераб колълъен бихьдебуна. «ЧIчIегIермагжилав ккена бищунго цIцIар рагIарав ралдалгъачагъ, щибидегурелълъул гьессул гIемерал тушбаби руго. ХIорил цояб рахъалълъа руго ХъахIай Ралдалгъачагъайги БагIарав Ралдалгъачагъавги». Гъазалги хIорихъ раккана. ГIайиб гурщихха, гъазал гьабго тушманассда гьоркьоре ккана. Гьандже гьел гъазал хьихьинел бакIалълъа рукIарал гIани, лълъикI букIлаан. Гъазазе рокьиняро ралдалгъачагъазул русби.